Khwab Mein Angoothi Dekhne Ki Tabeer

Is Article Main Ap Parhen Gy Khwab Mein Angoothi Dekhne Ki Tabeer. Is Khwab Ki Tabeer Ye Hai Kh Sharf Aur Buzurgi Hai Aur Kisi Barray Se Kher Aur Neki Puhanche Gi. To Agr Ap Ko Is Khwab Ki Mukamal Tabeer Janni Hai To Chliye Is Ko Mukmal Parhty Hein.

Angoothi Dekhne Ki Tabeer

حضرت اِبْن سیرین رَحْمَۃُ اللہِ تَعَالٰی عَلَیْہِ فرماتے ہے کہ انگوٹھی خواب میں شرف اور بزرگی ہے۔حضرت دانیال علیہ السلام فرماتے ہیں کہ اگر کوئی شخص خواب کے اندر انگوٹھی دیکھیں تو یہ اس بات کی دلیل ہے کہ اس کو اس کے آقا کی طرف سے خیر اور بھلائی پہنچے گی۔ حضرت جعفر صادق علیہ السلام نے فرمایا ہے کہ خواب میں انگوٹھی کا دیکھنا آٹھ وجہ پر ہے۔ (1) عورت (2) مال (3) ولایت (4) عیش (5) فرزند (6) بزرگی (7) مال و نعمت (8) عمل۔ حضرت غوث اعظم رَحْمَۃُ اللہِ تَعَالٰی عَلَیْہِ فرماتے ہے کہ انگوٹھی نکاح کی دلیل ہے۔

حضرت دانیال علیہ السلام نے فرمایا ہے۔ کہ اگر کوئی شخص خواب میں انگوٹھی کی صفت اور نقش دیکھے تو دلیل ہے۔ کہ اس کو اس کے آقا سے خیر اور نیکی پہنچے گی۔

Kisi Ka Angoothi Dena

اور اگر دیکھے کہ اس کو کسی نے انگوٹھی مہر کرنے لے لئے دی ہے تو دلیل ہے کہ جو کچھ اس کے لائق ہے بہت پائے گا۔
یعنی انگوٹھی کی قدر و قیمت کے مطابق اگر بادشاہی کے لائق ہے تو بادشاہ ہو گا۔ ورنہ مال و دولت پائے گا۔ اور اگر دیکھے کہ مسجد میں یا نماز میں یا جہاد میں کسی نے اس کو انگوٹھی دی ہے تو دلیل ہے کہ و ہ شخص عابد اور زاہد ہو گا۔ اگر سوداگر ہے تو تجارت میں نفع پائے گا۔

Angoothi Ka Zaya Hona

حضرت ابن سیرین رحمتہ اللہ تعالیٰ علیہ نے فرمایا ہے۔ کہ اگر خواب میں دیکھے کہ اس کی انگوٹھی ضائع ہوئی یا کوئی چرا کرلے گیا ہے۔ تو دلیل ہے کہ اس کے کاموں میں آفت(آفت یا دشواری ظاہر ہو گی۔ تکلیف اور مشکل پیش آئے گی۔ اور عورت دیکھے کہ انگو ٹھی نگ سمیت ضائع ہو گئی ہے۔ تواس امر کی دلیل ہے کہ اس کا مرتبہ اور عزت گرے گی۔ یا اس کا بچہ مرے گا یا مال ضائع ہو گا۔ اور اگر حاکم ہے تو معزول ہو گا حا کم نہ رہے گا تخت سے اتارا جائے گا۔

اور اگر دیکھے کہ انگوٹھی ٹوٹی اور اس کا نگینہ رہا۔ تو دلیل ہے کہ اس کی بزرگی بہتر ہو گی۔ اور اس کی آبرو اور وقار قائم رہے گا۔ اس کی عزت اور دبدبہ اوررعب قائم رہے گا۔ اوراگر دیکھے کہ اس نے اپنی انگوٹھی توڑی ہے۔ تو دلیل ہے کہ اس کے عیال میں جدائی پڑے گی۔

Angoothi Bechna

اور اگر دیکھے کہ اپنی انگوٹھی فروخت کی اور اس کی قیمت لی ہے تو دلیل ہے کہ جو کچھ اس کے بدلے ہے۔ فروخت کرے گا اور اگر قیمت نہیں لی ہے تو کچھ حصہ جائیداد کا فروخت کرے گا۔

Chandi Ki Agoothi Dekhna

اور اگر چاندی کی انگوٹھی دیکھے تو دلیل ہے کہ اس کا مال حلال کا ہے ۔ اگر چاندی کی انگوٹھی دیکھے تو اس کو کہیں سے کچھ ملے گا۔ حضرت جعفر صادق رضی اللہ تعالیٰ عنہ نے فرمایا ہے کہ خواب میں چاندی کی انگوٹھی کو دیکھنا چار وجہ پر ہے ۔ اول ، سلطنت ۔ دوم ، عورت ۔ سوم ، فر زند ۔ چہارم ، مال و دولت ۔

Sone Ki Angoothi Dekhna

اور اگر سونے کی انگوٹھی دیکھے تودلیل ہے کہ اس کا مال مکر وہ اور حرام ہے۔ اوراگر خواب میں دیکھے کہ اس کی انگوٹھی زیور کی ہے تو ا س خواب کی تعبیر سب سے بری ہے۔

Lohe Ki Angoothi Dekhna

حضرت جابر مغربی رحمتہ اللہ علیہ نے فرمایا ہے۔ کہ اگر کوئی شخص خواب میں دیکھے کہ اس کی انگوٹھی لوہے کی ہے۔ تو دلیل ہے کہ قوت اور توانائی پائے گا۔ اور لوہے کی انگوٹھی دیکھے تو جو کچھ اس کے پاس ہے تھوڑا اور ذلیل ہے ۔

اور تانبے کی یارانگ کی ہے یا سیسہ کی ہے۔ تو دلیل ہے کہ بے اصل لوگوں سے فائدہ اٹھائے گا ۔

Angoothi Amanat Rakhna

اور اگردیکھے کہ اس نے اپنی انگوٹھی کسی کے پاس امانت رکھی ہے یا بخش دی ہے اور اس نے بھی اس کو انگوٹھی واپس دی ہے تو دلیل ہے کہ نکاح کے لئے عورت چاہے گا اور وہ قبول نہ کرے گی اور نہ ہی اس کو دیں گے۔

Do Nagon Wali Angoothi Dekhna

اور اگر دیکھے کہ اس کی انگوٹھی کے دو نگینے ہیں.  اس کو کسی نے دی ہے. دونوں نگ ایک دوسرے کے مطابق ہیں تو اس امر کی دلیل ہے کہ صاحب خواب غلام زادہ ہے. خواب دیکھنے والا نوکر کا بیٹا ہے۔ اور اگر دیکھے کہ ان دو نگوں میں سے ایک گر گیا ہے تو اس امر کی دلیل ہے کہ دو گناہوں میں سے ایک سے توبہ کی ہے۔

Angoothi Par Mohr Lagana

اور اگر دیکھے کہ لکھے ہوئے خط پر اپنی انگوٹھی سے مہر لگائی ہے تو دلیل ہے کہ کوئی پوشیدہ چیز اس کو ملے گی اور اگر دیکھے کہ کھلے خط پر مہر لگائی ہے تو دلیل ہے کہ کوئی ظاہری چیزا س کو ملے گی ۔

Anguthi Ka Nagina Dekhna

حضرت ابن سیرین رحمۃ اللہ علیہ نے فرمایا ہے کہ خواب میں انگوٹھی کا نگینہ شرف اور بزرگی اور مال ہے۔ اور مرتبے میں نقصان آئے گا یا اس کا فرزند ہے۔ اور اگر دیکھے کہ اس کی انگوٹھی کا نگینہ ضائع ہوا ہے۔ دلیل ہے کہ اس کی بزرگی اور مرتبے میں نقصان آئے گا یا اس کا فرزند مرے گا۔

مزید تعبیرات

Khwab Mein Zakhm Dekhne Ki Tabeer In Urdu

Anguthi Ka Nagina Tootna

اور اگر دیکھے کہ انگوٹھی کا نگینہ ٹوٹا ہے تو بھی مذکورہ بالا تاویل ہے۔ اور اگر دیکھے کہ اس کی انگوٹھی پر ناگاہ نگینہ ظاہر ہوا ہے۔ دلیل ہے کہ اس نگینہ کی قدر و قیمت کے مطابق نعمت پائے گا۔

Anguthi Ka Nagina

حضرت جابر مغربی رحمۃ اللہ علیہ نے فرمایا ہے کہ بادشاہوں کے لئے نگینہ تاج ولایت ہے اور عورتوں کے لئے شوہر ہے اور عام لوگوں کے لئے مرتبہ اور نیکی ہے۔

Aurat Ka Angoothi Dekhna

.اگر عورت خواب میں انگوٹھی دیکھے تو اس کی شادی کی دلیل ہے

Angoothi Chori Hona

حضرت سیرن رحمۃ اللہ فرماتے ہیں کہ خواب میں دیکھیں اس کی انگوٹھی چوری ہوگئی ہے کوئی لے گیا ہے تو یہ اس بات کی دلیل ہے کہ اس کو آفت یا کوئی دشواری کوئی مصیبت پہنچے گی۔